ایم کیوایم بحالی کمیٹی ڈاکٹرفاروق ستارکون لیگ میں شمولیت کی دعوت دے دی۔

تفصیلات کےمطابق کراچی میں سابق وزیراعظم شاہدخاقان عباسی اورسابق وفاقی وزیر احسن اقبال کی سربراہی میں مسلم لیگ ن کے وفدنےسربراہ ایم کیوایم بحالی کمیٹی ڈاکٹرفاروق ستارسےملاقات کی۔

 ملاقات کےدوران ن لیگی وفد نے فاروق ستار کوجمہوریت کےفروغ اورملک کی ترقی کے لیے مل کر کام کرنے کی دعوت دی، انہوں نے سربراہ ایم کیو ایم بحالی کمیٹی کو نواز شریف اور شہباز شریف کا خیر سگالی پیغام بھی پہنچایا اور پارٹی میں شمولیت کی دعوت دی۔

ملاقات کے بعد میڈیاسےبات کرتےہوئےڈاکٹر فاروق ستارکا کہنا تھا کہ ہم ایک دوسرے کو 30 سال سےجانتے ہیں، سابق وزیر اعظم اپنےوفد کے ہمراہ ملنےآئےبہت اچھا لگا، ہم نےپارلیمان میں ایک ساتھ کام کیا ہے۔

سربراہ ایم کیوایم بحالی کمیٹی فاروق ستارکاکہناتھاکہ کراچی کی اہمیت کسی سےچھپی نہیں، کراچی کوآگےلےکرجائیں گےتوہی ملک ترقی کرے گا۔

اس موقع پر لیگی وفد کے سربراہ شاہد خاقان عباسی نے کہا کہ ڈاکٹر فاروق ستار کا ملکی سیاست میں بہت اہم کردار  ہے، ان کی ہماری پارٹی میں شمولیت سے جمہوریت کو فائدہ ہوگا اور ہمیں بھی ان سے سیاست سیکھنے کا موقع ملے گا۔

لیگی رہنمااحسن اقبال نے پریس  کانفرنس  کےدوران کہا  کہ   مسلم لیگ ن فاروق ستار کے بزرگوں کی جماعت ہے، انہیں پارٹی میں دعوت دینےکی ضرورت نہیں۔

جس پرفاروق ستارنےجواباً کہاکہ میں شاہد خاقان عباسی اوراحسن اقبال کواپنا بزرگ مانتا ہوں۔