نواز شریف کے ذاتی معالج ڈاکٹر عدنان پر حملہ کیس میں پیشرفت سامنے آئی ہے۔

تفصیلات کے مطابق نواز شریف کے ذاتی معالج ڈاکٹر عدنان کا حملے کے بعد کہنا ہے کہ مجھے فون پر دھمکیاں دی جارہی تھیں، حملہ آوروں نے مجھے بےدردی سے مارا پیٹا،اب بھی ہسپتال میں ہوں، آج کمر کا اسکین ہوگا۔

پولیس ذرائع کا کہنا ہے کہ ڈاکٹر عدنان پر حملے کی تحقیقات کیلئے پولیس افسر مقرر کردیا گیا ہے تاہم ان کی حالت خطرے سے باہر ہے، تحقیقات جاری ہیں ابھی کوئی گرفتاری عمل میں نہیں آئی۔

پولیس کے مطابق ڈاکٹر عدنان پردو مشتبہ افراد نے حملہ کیا اور جاتے ہوئے گھڑی بھی چھین کر لے گئے، ڈاکٹر عدنان پر 8 بج کر 39 منٹ پر پارک لین پر حملہ کیا گیا۔

واضح رہے کہ ڈاکٹر عدنان پرگزشتہ شب پارک لین پر اس وقت حملہ ہوا جب وہ چہل قدمی کرنے گھر سے باہر نکلے تھے۔