سندھ میں تعینات ہونےوالے گریڈ 22 کے سینئیراورنئےآئی جی سندھ مشتاق مہر نےاپناچارج سنبھالیاہے۔

تفصیلات  کے مطابق وزیراعلی سندھ سید مراد علی شاہ سے ملاقات کے بعد سینٹرل پولیس آفس پہنچے، نئے آئی جی سندھ کو سی پی او پہنچنے پر گارڈ آف آنر پیش کیا گیا، جانے والے آئی جی سندھ نے آنے والے آئی جی سندھ مشتاق احمد مہر کی سی پی او آمد پر انہیں خوش آمدید کہا۔

اس سے قبل وزیراعلیٰ سندھ سید مراد علی شاہ سے نئےآئی جی سندھ پولیس مشتاق مہرکی ملاقات ہوئی۔

اس موقع پروزیراعلیٰ سندھ نےکہاسندھ کےامن وامان کی بحالی میں پولیس کابڑااہم کردارہے،پولیس عوام کے جان ومال کے تحفظ کیلئےمزید بہتر اقدامات کرے، چاہتا ہوں کہ پولیس کی موجودگی عوام کیلئےباعث تحفظ ہو۔ نئےآئی جی پولیس نے وزیراعلیٰ سندھ کو یقین دلایاکہ صوبےمیں امن و امان کومزید بہتر کیا جائے گا۔

ملاقات میں نئےآئی جی سندھ پولیس مشتاق مہرنے وزیراعلیٰ سندھ کویقین دلایا کہ صوبے میں امن امان کومزیدبہترکیاجائےگا۔

آئی جی سندھ مشتاق مہرکون ہیں؟

سندھ کےنئے آئی مشتاق مہرکوجولائی 2015 میں ایڈیشنل آئی جی غلام قادر تھیبو کی جگہ کراچی پولیس کا چیف تعینات کیا گیا تھا۔

بعد ازاں جولائی 2017 میں ان کا تبادلہ ٹریفک پولیس کے سربراہ کے طور پر کیا گیا تھا لیکن حکومت سندھ نے ایک مہینے بعد انہیں دوبارہ کراچی پولیس کا سربراہ تعینات کردیا تھا۔

اگست 2018 میں اس وقت کے آئی جی امجد جاوید سلیمی نے مشتاق مہر کا تبادلہ کیا تھا اور انہیں سینٹرل پولیس آفس (سی پی او) سندھ میں رپورٹ کرنے کی ہدایت کی تھی۔

ڈاکٹر امیر احمد شیخ کو مشتاق مہر کی جگہ کراچی پولیس کا سربراہ بنادیا گیا تھا جو اس وقت سندھ میں اے آئی جی فنانس، لاجسٹکس اینڈ ویلفیئر کے عہدے پر کام کر رہے تھے۔