پاکستان الیکٹرانک میڈیا ریگولیٹری اتھارٹی (پیمرا) ئے میڈیا کوہدایت کی ہے کہ وہ کوروناوائرس سے متعلق خبریں نشرکرتے ہوئے عوام میں خوف کی فضا ختم کرے۔

 پیمرا نے اپنے ہدایت نامے میں نیوز چینلز کو مخاطب کرکے کہا کورونا وائرس سے متاثرہ مریضوں اور زیرعلاج افراد کی خبریں دیتے ہوئے ضرورت سے زیادہ تشہیرکرنے اورسنسنی پیداکرنے سے گریزکیا جائے۔

 پیمرا نے ٹی وی چینلز پر زور دیا کہ وہ کورونا وائرس کے خلاف پوری قوم کو متحرک کریں۔

پیمرا نے اس امر پر زور دیا گیا کہ ناظرین میں امید پیداکرنے کے لیے وفاقی اور صوبائی حکومتوں، اداروں سمیت عالمی محققین کی جانب سے کی گئی کوششوں کو بھی اجاگر کیا جائے۔

واضح رہے کہ ملک میں کوروناوائرس کے بڑھتے ہوئے واقعات اور لاک ڈاؤن کے نتیجے میں پیدا ہونے کی صورتحال پر میڈیا خصوصی رپورٹس اور خبریں پیش کررہا ہے۔