سعید غنی نے کہا کہ گولیمار واقعے میں سرکاری محکمے کی کوتاہی ہے۔

تفصیلات کے مطابق وزیر تعلیم سندھ سعید غنی نے کہا ہے کہ گولیمار واقعے میں سرکاری محکمے کی کوتاہی ہے، دیکھنا ہوگا کہ عمارت قانونی طریقے سے بنائی گئی تھی یا نہیں۔

ایک نجی ٹی وی سے گفتگو کرتے ہوئے  سعید غنی کا کہنا ہے کہ حکومت کے پاس اتنے وسائل نہیں ہیں کہ ہر گلی میں جاکر عمارتوں کوچیک کریں، تاہم غیر قانونی عمارتوں کی معلومات جمع کرنے کی ضرورت ہے۔

انھوں  نے مزید کہا کہ سرکاری حکام غیر قانونی عمارتوں کی تعمیر میں ملوث ہوتے ہیں، بلڈنگ کنٹرول اتھارٹی کے چند اہلکاروں کو برطرف بھی کیا جاچکا ہے۔