پرائیویٹ میڈیا گروپ کے مالک میرشکیل الرحمان نیب لاہورمیں پیش ہوگئے۔

تفصیلات کے مطابق نیب ذرائع کا کہناہے کہ میر شکیل الرحمان کو مبینہ طور پرمیرٹ کے برعکس لاہورمیں 54 کنال قیمتی اراضی لیز پرحاصل کرنےکے الزام میں طلب کیا گیا ۔ میرشکیل الرحمان کو5 مارچ کوطلب کیاگیاتھا۔

ذرائع نے بتایاکہ میرشکیل الرحمان  کیخلاف موصول شکایت میں الزام لگایا گیا ہے کہ انہوں نے مبینہ طور پر سابق وزیراعلیٰ پنجاب میاں نواز شریف سے 54 کنال اراضی پر مشتمل پلاٹ لیز پرحاصل کئے جس کے وہ اہل نہ تھے۔

ذرائع کا مزید کہناتھا کہ مذکورہ اراضی 1986 میں میرشکیل الرحمان کو لیز پہ دی گئی تھی جس پر انہیں نیب لاہور کیجانب سے میر شکیل الرحمان کو مکمل کاغذات کیساتھ ذاتی حیثیت میں پیش ہو کر بیان ریکارڈ کروانےکاکہا گیا ہے۔