مانسہرہ کی تحصیل اوگی میں باراتیوں کی گاڑی کھائی میں گرنےسے دلہن سمیت 5 افرادجاں بحق اورایک خاتون زخمی ہوگئی ۔

تفصیلات کے مطابق مانسہرہ کے گاؤں سیدآباد چورکلاں سےباراتیوں کی جیپ تورغر کے گاؤں تلی جارہی تھی کہ بنجئی کے مقام پر تیز رفتاری کے سبب جیپ ڈرائیور سے بےقابو ہوکر کھائی میں گرگئی۔

ذرائع کے مطابق حادثےمیں دلہن سمیت 2 خواتین اور 3 مرد موقع پرجاں بحق جبکہ ایک خاتون زخمی ہوگئی جسے اوگی اسپتال منتقل کردیا گیا ہے۔

اسپتال انتظامیہ اور پولیس کی جانب سے لاشیں ضروری کارروائی کے بعد لواحقین کے حوالے کر دی گئی ہیں، جبکہ مرنیوالے آپس میں قریبی رشتہ دار ہیں۔