حکومت نے کورونا وائرس کے باعث بیرون ممالک پھنسے پاکستانیوں کی وطن واپسی کیلئے طور خم اور چمن بارڈر کو ہفتے میں دو دفعہ کھولنے کا فیصلہ کرلیا۔

تفصیلات کے مطابق معاون خصوصی برائے قومی سلامتی معید یوسف نے اس بارے میں بتا یا ہے کہ  500 پاکستانی طورخم بارڈر اور 300 چمن بارڈر کے ذریعے لائے جائیں گے۔

معید یوسف نے کہا کہ واپسی پر مسافروں کو 48 گھنٹے تک قرنطینہ کیا جائے گا، تمام مسافروں کو ٹیسٹنگ کے مرحلے سے گزرنا ہو گا، ٹیسٹ مثبت آنے پر مسافروں کو ہسپتال میں رکھا جائے گا، پالیسی زمینی راستے سے داخل ہونے والے پاکستانیوں پر بھی لاگو ہوگی۔

انھو ں نے مزید بتا یا کہ 6 ہزار پاکستانیوں کو مختلف ممالک کے ذریعے اگلے ہفتے تک لانے کا فیصلہ کیا گیا ہے۔