شہباز شریف نے کہا کہ بیرون ملک مقیم پاکستانیوں کی کورونا وائرس کی وباء سے وفات پر بے حد دکھ ہے، وہ متاثرہ خاندانوں سے دلی ہمدردی اور تعزیت کرتے ہیں۔

پاکستان مسلم لیگ ن کے صدر اور قومی اسمبلی میں قائدِ حزبِ اختلاف میاں محمد شہباز شریف نے اپنے حالیہ بیان میں کورونا وائرس کی وباء سے بیرونِ ملک پاکستانیوں کی وفات پر رنج وغم اور افسوس کا اظہار کیا ہے ۔

 شہباز شریف نے کہا ہے کہ کورونا وائرس کی وباء کے باعث دوسرے ملکوں میں آباد پاکستانیوں کی اموات ملک کے لیے ناقابلِ تلافی نقصان ہے۔

انھوں نے مزید کہا کہ بیرونِ ملک مقیم پاکستانی عزم و ہمت اور وفا کی قابلِ فخر مثال ہیں، بیرونِ ملک رہنے والے اہلِ وطن پاکستان کے بارے میں ہمیشہ فکر مند رہتے ہیں۔