کورونا وائرس سے دنیا بھر میں فلائٹ آپریشنز معطل ہونےکی وجہ سے بیرون ملک پھنسے ہوئے پاکستانیوں کی واپسی کے لیے 4 اپریل (کل) سے پروازیں شروع ہوں گیں۔

وزیر خارجہ شاہ محمود قریشی نے کہا کہ وطن واپسی کی 17 پروازیں 4 تا 11 اپریل کے درمیان شروع ہوجائیں گی۔

وزیر خارجہ نے کہا کہ ٹرانزٹ فلائٹس میں پھنسے پاکستانیوں کا زیادہ ترجیح دی جائے گی جس کے بعد ان شہریوں کو جن کے ویزے کی میعاد ختم ہورہی ہے۔ بیرون ملک کام کرنے والے یا تعلیم حاصل کرنے والے پاکستانی ترجیحی فہرست میں تیسرے نمبر پر ہوں گے۔

انہوں نے واضح کیا کہ واپس آنے والے تمام مسافروں کی ہوائی اڈوں پر اسکریننگ کی جائے گی اور اس مقصد کے لیے مقامی سطح پر استعداد کار بڑھانے کے لیے کوششیں جاری ہیں۔