سندھ حکومت کی جانب سے غریب اور یومیہ اجرت کمانے والے افراد کے لئے راشن کی فراہمی آج سے شروع کی جائے گی

25 لاکھ سے زائد آبادی کے شہر حیدرآباد کے لئے 10 ہزار راشن بیگ کا انتظام کیا گیا ہے۔

ضلعی انتظامیہ کی جانب سے مقامی تاجر کو ایک کروڑ 70 لاکھ میں راشن بیگ تیار کرنے کا ٹھیکہ دیا گیا ہے

حکومت کی جانب سے 10 ہزار سے زائد راشن بیگز حیدرآباد کی چاروں تحصیلوں میں تقسیم کرنے کا طریقہ کار طے کر لیا گیا ہے۔

راشن سے بھرا ٹرک تقسیم سے قبل لوٹ لیا گیا

حیدرآباد: بھوک سے پریشان شہریوں نے راشن سے بھرے ٹرک کو لوٹ لیا ۔

ڈرائیور نے پولیس کو بیان دیا ہے کہ مسلح افراد ٹرک سمیت اسے زبردستی ہمراہ لے گئے اور راشن لوٹ لیا ۔ تھانہ حسین آباد کی حدود گدو ناکہ چوک کے قریب واقع پٹھان گوٹھ کے علاقے میں راشن سے بھرے ٹرک کو شہریوں نے لوٹ لیا۔

راشن لوٹنے والوں میں مرد و خواتین شامل تھے۔ جس کے ہاتھ جو لگا لے کر چلتا بنا ۔

حیرت انگیز امر یہ ہے کہ مزکورہ مقام پر پولیس نفری بھی تعینات ہے لیکن پولیس نے اس معاملے میں کوئی مداخلت نہیں کی۔

واضح رہے کہ سندھ حکومت نے کورونا وائرس کے باعث لاک ڈاؤن کے دوران مستحق افراد میں گھر گھر راشن تقسیم کرنے کا اعلان کیا تھا۔