صدر سندھ تاجر اتحاد جمیل پراجہ کا کہنا ہے کہ تاجروں نے آج دوپہر ہنگامی اجلاس طلب کرلیا، اجلاس میں مارکیٹیں کھولنے کا اعلان بھی کیا جاسکتا ہے

تفصیلات کے مطابق سندھ حکومت نے منگل تک مارکیٹیں کھولنے سے متعلق وقت مانگا تھا جو آج رات 12 بجتے ہی ختم ہوگیا، تاہم اس محدود مدت میں حکومت نے کوئی پالیسی وضع نہیں کی۔

صدر سندھ تاجر اتحاد کا کہنا ہے کہ مارکیٹیں کھولنے میں حکومت نے روکا تو لائحہ عمل طے کریں گے۔مجبوری میں ملازمین کو فارغ اور بجلی گیس بل کی ادائیگی روک سکتے ہیں۔

آل سٹی تاجر اتحاد کا کہنا ہے کہ سندھ حکومت کی بنائی گئی کمیٹی سے مشاورت کی تھی، مشاورت سے مارکیٹیں کھولنے کا پلان تیار کرلیا تھا، حکومتی کمیٹی نے آج تک فیصلہ کرنے کا وقت مانگا تھا۔