امیر جماعت اسلامی سینیٹر سراج الحق نے کہا ہے کہ پاکستان سمیت پورا عالم اسلام اپنے مظلوم فلسطینی بھائیوں کے ساتھ ہے۔

تفصیلات کے مطابق سربراہ خالد مشعل نے امیر جماعت اسلامی پاکستان سینیٹر سراج الحق کو فون کیا اور حماس کے سربراہ خالد مشعل کی عبد الغفار عزیز کی جلد صحت یابی کے لیے دعا۔

اپنے بیان میں امیر جماعت اسلامی سینیٹر نے کہا کہ فلسطین اور قبلہ اول کی آزادی کے لیے جدوجہد کرنا عالم اسلام کے ہر مسلمان پر فرض ہے۔

 سراج الحق نے یہ بھی کہا کہ حکومت رمضان میں عوام کو ریلیف دینے کی بجائے نان ایشوز کو اٹھا رہی ہےجبکہ حکومت کو چائیے کہ وہ نان ایشوز کھڑے کرنے کی بجائے عوام کے مسائل حل کرنے کی طرف توجہ دے

امیر جماعت اسلامی سینیٹر سراج الحق نے مزید کہا کہ رمضان شروع ہوتے ہی مہنگائی کے طوفان نے لوگوں کے اوسان خطاکردیے ہیں، سبزیوں اور پھلوں کی قیمتوں میں سو فیصد سے بھی زیادہ اضافہ ہوچکا ہے۔

اگر فیصلے علماء کرر ہے ہیں تو وزارت عظمی عالم دین کے حوالے کریں ،سراج الحق

واضح رہے اس سے قبل امیر جماعت اسلامی سینیٹر سراج الحق نے اپنے ایک بیان میں کہا تھا کہ حکومت خود فیصلہ کرنے کی صلاحیت نہیں رکھتی اور علماء کے خلاف پروپیگنڈہ کیا جارہا ہے جبکہ حکومتی رویہ لوگوں کو مایوسی اور نا امیدی کی دلدل میں دھکیل رہا ہے ۔

سراج الحق نے یہ بھی کہا تھا کہ عوام حکومت کی طرف سے اعلان کردہ تمام احتیاطی تدابیر کی پوری پابندی کریں جبکہ لوگوں تک راشن ، سینی ٹائزر ،ماسک اور دیگر ضروری اشیاءمہیا کرنا نیکی کے کام ہیں۔

امیر جماعت اسلامی سینیٹر سراج الحق نے مزید کہا تھا کہ فیصلے کرنا حکومت کا کام ہے اپنی ناکامیوں پر علماء کوموردالزام ٹھہرانا درست نہیں ، اگرواقعی فیصلے علماءکرر ہے ہیں تو وزارت عظمیٰ کسی عالم دین کے حوالے کریں۔