عائشہ فاروقی کا کہنا ہے کہ بھارت کی پاکستان مخالف تمام سرگرمیوں سے آگاہ ہیں۔

تفصیلات کے مطابق ترجمان دفتر خارجہ عائشہ فاروقی نے اپنے ایک بیان میں  کہا ہے کہ بھارت کی جانب سے  مقبوضہ کشمیر میں آبادی کا تناسب تبدیل کرنے کی کوششوں پر تشویش ہے، ایسے حالات میں بھارتی اقدامات قابل مذمت ہیں۔

ترجمان دفتر خارجہ عائشہ فاروقی کا کہنا ہے کہ مقبوضہ کشمیر میں آبادی کا تناسب تبدیل کرنے کے بھارتی اقدامات بین الاقوامی قوانین کی واضح خلاف ورزی ہیں۔

عائشہ فاروقی نے کورونا وائرس کے پیش نظر لاک ڈاؤن کی صورتحال سے متعلق بات کرتے ہوئے مزید کہا کہ سمندر پار پاکستانیوں کی سہولت کے لیے وزارت خارجہ نے متعدد اقدامات کیے ہیں جبکہ حکومتی کوششوں سے یو اے ای، قطر اور دیگر ملکوں سے پاکستانی وطن واپس پہنچے ہیں۔

انہوں نے مزید کہا ہے کہ افغان حکومت کی درخواست پر پاک افغان بارڈر پر ٹرکوں کو 3 دن جانے کی اجازت دی گئی ہے۔