رمضان المبارک سے ایک روز قبل یوٹیلیٹی سٹورز بند ہو گئے، آل پاکستان ورکرز یونین نے یوٹیلیٹی سٹورز پر کام بند کر دیا۔

کراچی میں 100سے زائد اسٹورز بند ہیں، لاہور، فیصل آباد، گوجرانوالہ، ملتان کے یوٹیلیٹی سٹورز آج بند رہیں گے۔

صدرآل پاکستان ورکرز یونین یوٹیلٹی اسٹورز سید عارف شاہ نے کہا ہے آج سے غیر معینہ مدت کیلئے احتجاجاً سٹورز بند رہیں گے، یوٹیلیٹی سٹورز کے حکام اور یونین کے مابین مذاکرات ناکام ہوگئے، ایم ڈی یوٹیلیٹی سٹورز کارپوریشن نے مطالبات تسلیم نہیں کیے۔

عارف شاہ کا کہنا تھا کہ حکومت کی جانب سے یوٹیلٹی اسٹور ورکرز کو کورونا بحران میں کام کرنے پر اضافی تنخواہ دینے کا اعلان کیا گیا تھا، ساتھ ہی ورکرز کے لیے حفاظتی سامان دینے کا وعدہ بھی کیا گیا تھا جو پورا نہیں ہوا۔