سابق سینئر وزیر پنجاب و پی ٹی آئی کے مرکزی رہنما عبدالعلیم خان کو دوبارہ پنجاب کابینہ میں شامل کرنے کا فیصلہ کر لیا گیا ہے۔

ذرائع کے مطابق علیم خان  نے وزیراعلیٰ پنجاب عثمان بزدار سے ملاقات کی تھی، جس میں عبدالعلیم خان نے عثمان بزدار کے تحفظات کو دور کیا۔

 عبدالعلیم خان آج وزارت کاحلف اٹھائیں گے انہیں بطور سینئر وزیر اور وزارت خوراک کا قلمدان بھی دیئے جانے کا امکان ہے۔

وزیراعلیٰ پنجاب سے ملاقات سے پہلے علیم خان خان وزیراعظم عمران خان سے بھی ملاقات کر چکے ہیں۔

یاد رہے کہ قومی احتساب بیورو (نیب) نے آمدن سے زائد اثاثہ جات اور آف شور کمپنیاں بنانے کے الزام میں عبدالعلیم خان کو حراست میں لیا تھا ۔

سابق سینئر صوبائی وزیر نے گرفتاری کے فوراً بعد ہی اپنے عہدے سے استعفی دے دیا تھا تاہم پروڈکشن آرڈرز پر وہ باقاعدگی سے پنجاب اسمبلی اور قائمہ کمیٹیوں کے اجلاسوں میں شرکت کرتے رہے۔