مریم اورنگزیب نے کہا ہے کہ پارٹی قیادت کے خلاف جھوٹے بیانات پر کارکنان مشتعل ہوئے تو ذمہ دار شیخ رشید ہوں گے۔

مسلم لیگ ن کی ترجمان مریم اورنگزیب نے وزیرریلوے کے بیان کی مذمت کرتےہوئے کہا ہے کہ شیخ رشید کی سیاست کا جنازہ اس دن نکل گیا تھاجب انہوں نے ن لیگ سے غداری کی تھی۔

مسلم لیگ ن کی ترجمان نے کہا کہ شیخ رشید اپنی سیاست کا مردہ ہر نئی جماعت کے کاندھے پر اٹھائے پھر رہے ہیں ان کے بیانات چینی اسکینڈل رپورٹ میں تاخیر سے توجہ ہٹانے کی کوشش ہے۔

واضح رہے کہ گزشتہ روز میڈیا سے گفتگو کرتے ہوئے وزیر ریلوے شیخ رشید نے کہا تھا کہ  شہباز شریف جو سوچ کر آئے تھے اس کا سیاسی جنازہ نکل گیا۔