جماعت اسلامی پاکستان سینیٹر سراج الحق نےکہا ہے کہ جماعت اسلامی کسانوں کے ساتھ کھڑی ہے ، اجتماعی سیاسی بصیرت سے کام لیا جائے تو ہر مشکل آسان ہو سکتی ہے۔
تفصیلات کے مطابق جماعت اسلامی پاکستان سینیٹر سراج الحق نے اپنے ایک بیان میں کہا کہیہ وقت سیاسی بصیرت اور دور اندیشی کا ہے کسی جانب سے کوئی پوائنٹس اسکورنگ نہیں ہونی چاہیے، قومی سیاسی قیادت میں ہم آہنگی کا نہ ہونا المیہ ہے جبکہ ملک میں گندم کی کٹائی کا آغاز ہوگیا ہے۔
سراج الحق نے کہا کہ آٹا مافیا گدھوں کی طرح کسانوں کی گندم کی فصل اونے پونے داموں ہتھیانے کے لیے منڈلا رہا ہے، وزیراعظم کا کہنا کہ اسمگلنگ کا خطرہ لاحق ہے غمازی کرتا ہے کہ آٹا اور چینی چور مافیا ان سے زیادہ طاقتور ہے۔
جماعت اسلامی پاکستان سینیٹر سراج الحق نے مزید کہا کہجماعت اسلامی اور الخدمت فاﺅنڈیشن کے ایک لاکھ سے زائد رضا کار دن رات ریلیف کا کام کررہے ہیں جبکہ وفاقی ،صوبائی حکومتوں سمیت تمام سیاسی پارٹیوں کو ایک پیج پر آنے کی ضرورت ہے۔
واضح رہےاس سے قبل جماعت اسلامی پاکستان سینیٹر سراج الحق نے عمران خان پر تنقید کرتے ہوئے کہا تھا کہ وزیراعظم خود کہتے تھے کہ ان کا دو لاکھ میں گزارہ نہیں ہوتا تو غریبوں کو کم از اکم اتنا گزارہ الاﺅنس ضرور دیا جائے جس سے وہ دو وقت کا کھانا کھا سکیں۔