مریم اورنگزیب کا کہنا ہے کہ میڈیا پر دوسرے پارٹی رہنماؤں کو چور کہنے سے قومی یکجہتی نہیں ہو سکتی۔

تفصیلات کے مطابق ترجمان پاکستان مسلم لیگ ن مریم اورنگزیب کا اپنے حالیہ بیان میں کہنا ہے کہ ملک اس وقت وزیراعظم کی طرف دیکھ رہا ہے، صوبوں، آزاد کشمیر، گلگت بلتستان سے مل کر معاشی، ریلیف حکمت عملی دینا ہوگی، قومی یکجہتی کیلئے ذہنی طور پر ملک کا وزیراعظم بننا ہوگا، لاک ڈاؤن کیساتھ متبادل معاشی اور ریلیف حکمت عملی بنانا ہوگی۔

مریم اورنگزیب نے کہا ہے کہ کورونا وائرس معاملے پروفاق کی اکائیوں کوساتھ رکھنےکی ذمہ داری وزیراعظم عمران خان کی ہے،اس وقت ایک وژن اور پورے پاکستان کیلئے ایک حکمت عملی کی ضرورت ہے، حکومت کی ساری توجہ ڈاکٹرز، طبی عملے، مزدور، دیہاڑی دار کی طرف ہونی چاہیے۔