وزیراعظم عمران خان نے کہا ہے کہ اقوام عالم اب مقبوضہ جموں و کشمیر کی عوام کی تکالیف کااندازہ لگا سکتی ہیں جنہیں بدترین جبر کا سامنا ہے

تفصیلات کے مطابق سماجی رابطے کی ویب سائٹ ٹویٹر پراپنے ایک پیغام میں وزیراعظم عمران خان نے کہا ہے کہ مقبوضہ کشمیرمیں یہ غیرانسانی سیاسی و عسکری کرفیوگزشتہ 8 ماہ سے زائد عرصے سےبغیرکسی طبی،مالی،مواصلاتی اورغذائی امدادکےجاری ہے۔

مقبوضہ کشمیرمیں یہ غیرانسانی سیاسی و عسکری کرفیوگزشتہ 8 ماہ سے زائد عرصے سےبغیرکسی طبی،مالی،مواصلاتی اورغذائی امدادکےجاری ہے۔حقیقت تو یہ ہے کہ نسل پرست نظریے ہندوتوا کی پیروکار مودی سرکارنےیقینی بنایا ہےکہ اس ناکہ بندی کے دوران اہل کشمیربنیادی اشیائےضروریہ سے بھی یکسرمحروم رہیں۔

— Imran Khan (@ImranKhanPTI) April 21, 2020

اپنے پیغام میں وزیراعظم نے کہا کہ حقیقت تو یہ ہے کہ نسل پرست نظریے ہندوتوا کی پیروکار مودی سرکارنےیقینی بنایا ہےکہ اس ناکہ بندی کے دوران اہل کشمیربنیادی اشیائےضروریہ سے بھی یکسرمحروم رہیں۔

عمران خان نے یہ بھی کہا کہ تمام ترطبی، مالی، مواصلاتی اور غذائی امداد کی فراہمی کے باوجود دنیا کے مختلف حصوں میں وباء کے دوران بندشوں کیخلاف احتجاجی مظاہرے کئے جارہے ہیں.

وزیراعظم عمران خان نے مزید کہا کہ لاک ڈاؤن کا سامنا کرنے سے غالباً اقوام عالم کو اب مقبوضہ جموں و کشمیر کی عوام کی تکالیف کااندازہ لگا سکتی ہیں جنہیں بدترین جبر کا سامنا ہے۔

ڈاکٹرز اور طبی عملے کی ضروریات پورا کرنا اولین ترجیح ہے، وزیراعظم

واضح رہے اس سے قبل وزیراعظم عمران خان کی زیر صدارت کورونا کے حوالے سے اعلیٰ سطحی اجلاس ہوا جس میں میں کوویڈ 19 کی صورتحال اور کورونا کی روک تھام کے حوالے سے اقدامات کا جائزہ لیا گیا تھا ۔

اجلاس میں اسد عمر اور ظفر مرزا نے وزیراعظم کو ملک بھر میں کورونا کی تازہ صورتحال پر بریفنگ دی تھی ۔

وزیراعظم نے کہا تھا کہ تاجر برادری کی مشکلات کا مکمل ادراک ہے، حکومت کی بھرپور کوشش ہے کہ کورونا کی روک تھام اور معیشت کا پہیہ  رواں رکھنے میں توازن قائم رکھا جائے۔

عمران خان نے یہ بھی کہا تھا کہ حالیہ فیصلوں کی روشنی میں جہاں تاجر برادری مشکلات کا شکار ہے وہاں متعلقہ صوبائی حکومت کے تعاون سے ان کے مسائل حل کیے جائیں۔