وزیرخارجہ شاہ محمود قریشی کا کہنا ہے کہ دوسری جنگ عظیم کے بعد کورونا عالمی چیلنج ہے، ڈاکٹرز اور طبی عملے کو خراج تحسین پیش کرتا ہوں۔

تفصیلات کے مطابق برطانیہ میں مقیم پاکستانی کمیونٹی سے بذریعہ ویڈیولنک خطاب میں وزیرخارجہ نے کہا ہے کہ برآمدات میں کمی سے  4ارب ڈالر کا دھچکا لگنےکا خدشہ ہے، ہم معاشی سفارتکاری کو لے کر آگے بڑھ رہے ہیں۔

انہوں نے کہا کہ حکومت بیرون ملک پھنسے پاکستانیوں کی مشکلات ختم کرنے کے لئے کوششیں کررہی ہے ہیں۔

وزیرخارجہ نے بیرون ملک پاکستانیوں سے ماہ رمضان کے دوران وزیراعظم فنڈ میں دل کھول کرعطیات کی اپیل کی ہے۔