وزیر اعظم عمران خان کی ہدایت پر قائم ٹائیگر فورس کا ٹیسٹ رن مکمل ہو گیا، آج سے یہ فورس آپریشنل ہوگی۔

تفصیلات کے مطابق ٹائیگر فورس کا ٹیسٹ رن مکمل ہو گیا،  وزیر اعلیٰ پنجاب عثمان بزدار ٹائیگر فورس کا باضابطہ افتتاح کریں گے۔

ذرائع کے مطابق ابتدائی طور پر سیالکوٹ میں رضا کاروں کو ذمہ داریاں سونپی گئی ہیں، رضا کاروں کو مساجد، یوٹیلیٹی اسٹورز کے باہر تعینات کیا گیا ہے، جہاں سوشل ڈسٹنسنگ گائیڈ لائنز کو یقینی بنایا جا رہا ہے۔

ٹائیگر فورس کو ضلعی انتظامیہ اور مقامی پولیس کا تعاون بھی حاصل ہوگا، یوٹیلیٹی اسٹورز میں سامان نہ ہونے پر ضلعی انتظامیہ کو شکایت کی جا سکے گی۔

عثمان بزدار کا اس سلسلے میں کہنا ہے کہ ٹائیگر فورس کی سافٹ لانچنگ کا تجربہ کامیاب رہا۔