عثمان بزدار کا کہنا ہے کہ پنجاب حکومت کورونا وائرس سے متاثرین کا علاج کرنے والےطبی عملےکو اپریل سے اضافی تنخواہ دے گی۔

تفصیلات کے مطابق وزیر اعلیٰ پنجاب عثمان بزدار نے اپنے ایک بیان میں کورونا وائرس سے متاثرین کے علاج میں مصروف ڈاکٹروں، نرسوں اور دیگراسٹاف کوسلام پیش کرتے ہوئے کہا ہے کہ کورونا وائرس پر قابو پانے تک ڈاکٹروں، طبی عملے کو اضافی تنخواہ ملتی رہے گی۔

 وزیر اعلیٰ پنجاب نے کہا ہے کہ ڈاکٹروں اور طبی عملے نے دن رات اپنے متاثرہ بہن بھائیوں کا خیال رکھ کرحقیقی مسیحا ہونے کا ثبوت دیا ہے۔

انھوں نے مزید کہا کہ آزمائش کی اس گھڑی میں ڈاکٹروں اور دیگر طبی عملے کا نام تاریخ میں سنہری حروف سے لکھا جائے گا۔