وفاقی کابینہ کی جانب سے صحافیوں اور صحافتی اداروں کی مالی امداد کے پیکج کی منظوری دے دی گئی ہے۔

تفصیلات کے مطابق وزیراعظم عمران خان کی زیر صدارت وفاقی کابینہ کے جاری اجلاس ہوا جس میں وفاقی وزراؤں نے بذریعہ ویڈیو لنک اجلاس میں شرکت کی اور کابینہ اجلاس نے 12 نکاتی ایجنڈے کی منظوری دے دی ہے۔

آج ہونے والے اجلاس میں وفاقی کابینہ کی جانب سے صحافیوں اور صحافتی اداروں کی مالی امداد کے پیکج کی منظوری دے دی گئی ہے۔

اجلاس میں فیصلہ کیا گیا ہے کہ پاکستان پٹرولیم کمپنی، سوئی نادرن گیس، پاکستان منرل ڈویلپمنٹ، آئل اینڈگیس کمپنی میں نامزدگیاں کی جائیں گی جبکہ واپڈا کے ممبر فنانس کی تقرری کا معاملہ واپس لے لیا گیا ہے۔

کابینہ اجلاس میں کریڈٹس بیوروز ایکٹ 2015 کی سیکشن 11 کے تحت نوٹیفکیشن کے اجراء کی منظوری دی گئی جبکہ وفاقی کابینہ نے مسابقتی کمیشن کے ایکٹنگ چیرپرسن کی تعیناتی کی منظوری دے دی ہے

   وفاقی کابینہ کے اس اجلاس  میں قانونی مقدمات سے متعلق کابینہ کی کمیٹی کے فیصلوں کی توثیق کردی گئی ہے جبکہ کورونا سے لڑنے والےطبی عملے کی معاونت کیلئے پیکج بھی منظور کرلیا گیا ہے۔

صوبے بھر میں اس وقت 4236 مریض زیر علاج ہیں، وزیراعلیٰ سندھ

اجلاس میں چینی بحران پر انکوائری کمیشن کو مذید تین ہفتے کی مہلت دینے کی منظوری پر فیصلہ کیا گیا ہے جبکہ اقتصادی رابطہ کمیٹی کے اجلاسوں میں کئے گئےفیصلوں کی توثیق بھی کی گئی ہے۔

وفاقی کابینہ نے چھوٹے کاروبار کرنے والوں کیلئے 75 ارب روپے کے پیکج کی توثیق کردی اور مالیاتی معاہدوں سے متعلق بلز 2020 پر بریفنگ کے بعد منظوری بھی دی گئی ہے

ذرائع کا کہنا ہے کہ کابینہ نے پاک عرب ریفائنری بورڈ آف ڈائریکٹرزکی تشکیل نو کی منظوری بھی  دے دی ہے۔

دوسری جانب فاقی حکومت نے کابینہ کی منظوری کے بغیر کی گئی تقرریوں پر نظرثانی کا فیصلہ کیا ہے، اس سلسلے میں وزیراعظم کے سیکرٹری نے تمام وزارتوں اور ڈویژنز کو مراسلہ جاری کردیا ہے جس میں کابینہ کی منظوری کے بغیر ہونے والی تقرریوں کی 30 اپریل تک تفصیلات طلب کی گئی ہیں۔ سیکرٹری کابینہ 5 مئی کو ان تقرریوں پر وفاقی کابینہ کو بریفنگ دیں گے