رمضان المبارک کے دوران موسم اچھا رہے گا، زیادہ گرمی نہیں ہوگی، کراچی میں بارشوں کی بھی پیشن گوئی کر دی گئی، آدھا رمضان اچھے موسم میں گزرے گا۔

ڈائریکٹر محکمۂ موسمیات سردار سرفراز کااس بارے میں کہنا ہے کہ مئی کو موسمِ گرما کا گرم ترین مہینہ سمجھا جاتا ہے، تاہم رواں سال مئی میں گرمی کی شدت زیادہ نہیں ہے۔

ذرائع کے مطابق پچھلے 5 سے 6 سال میں مئی میں مسلسل ہیٹ ویوز آتی رہی ہیں، مگر رواں سال مئی میں گرمی کی شدت زیادہ نہیں ہے۔

ایک بیان میں ڈائریکٹر محکمۂ موسمیات  نے کہا ہے کہ پچھلے برسوں کے مقابلے میں اس سال موسم کافی بہتر ہے، لاک ڈاؤن کے باعث صنعتیں بند ہیں، ٹریفک میں کمی اور انسانی سرگرمیاں محدود ہیں، آلودگی میں کمی کے باعث ہیٹنگ نہیں ہو رہی۔