وزیراعظم عمران خان سے سئنیر وزیر پنجاب خوراک عبد العلیم خان کی اسلام آباد میں ملاقات ہوئی جس میں عبدالعلیم خان کا وزیر اعظم  سےاہم محکمانہ اور سیاسی امور پر تبادلہ خیال کیا گیا ۔

ملاقات میں مستقبل میں گندم کی خریداری میں تبدیلی پر بھی بات چیت کی گئی اور عبدالعلیم خان نے وزیر اعظم کو گندم خریداری مہم کی تفصیلات سے آگاہ کیا جبکہ پنجاب میں گندم کی ذخیرہ اندوزی کے خلاف کی گئی کاروائیوں کے بارے میں بھی بتایا۔

وزیر اعظم کو سئنیر وزیر  نے  بریفنگ  دیتے ہوئے  کہا کہ سبسڈی کا طریقہ کار تبدیل ہو گا, فائدہ بلاواسطہ عوام کو ہونا چاہیے۔

ملاقات میں سئنیر وزیر پنجاب خوراک عبد العلیم خان نے مزید کہا کہ پنجاب میں محکمہ خوراک کی  از سر نو  تشکیل کی جائے گی جبکہ متوسط طبقے کی ضروریات کو اولین ترجیح دی جائے گی۔

یاد رہے اس سے قبل  وزیرِ اعظم عمران خان کی زیر صدارت اعلیٰ سطحی اجلاس  ہوا جس میں صوبہ خیبرپختونخواہ کے ترقیاتی امور، آئندہ بجٹ کے حوالے سے اصلاحات پر گفتگو اور کورونا وائرس کے تناظر میں صوبائی معاشی صورتحال خصوصاً صوبائی آمدن و اخراجات پر بھی بات چیت کی گئی۔

وفاقی کابینہ کا شوگر انکوائری رپورٹ پبلک کرنے کا فیصلہ

عمران خان نے اجلاس کی صدارت کرتے ہوئے کہا  تھا کہ غیر ضروری اخراجات میں کمی کے لئے ادارہ جاتی اصلاحات کا عمل تیز کیا جائے  جبکہ  کورونا کے پیش نظر صوبے کی معاشی صورتحال سے عوام کو مکمل طور پر باخبر رکھا جائے اور توانائی کے ضمن میں صوبے کی استعداد کو برؤے کار لانے کے حوالے سے مستقبل کے لائحہ عمل کو وزارتِ توانائی کی مشاورت سے مرتب کیا جائے۔

وزیرِ اعظم عمران خان کا مزید کہنا تھا کہ حکومت اس مقصد کے حصول کے لئے  تمام مطلوبہ وسائل فراہم کرنے کے لئے پرعزم ہے جبکہ انضمام شدہ علاقوں کی ترقی موجودہ حکومت کی اولین ترجیح ہے۔