خیبر پختونخوا میں کورونا وائرس کے خدشات کے تحت بند ادارے اور محکمے کھلنے لگے۔

تفصیلات کے مطابق وزیر اعلیٰ خیبر پختونخوا نے سیکرٹریٹ افسران کی حاضری کے حوالے سے سرکلر جاری کر دیا جس میں وزیر اعلیٰ سیکریٹریٹ کے تمام افسران کو آج سے نوکری پر آنے کی ہدایت کی گئی ہے۔

 جاری کردہ اعلامیہ کے مطابق سی ایس او، پی ایس او ٹو چیف منسٹر کے علاوہ تمام متعلقہ عملے کو کاپی بجھوا دی گئی۔

ذرائع کے مطابق خیبر پختونخوا میں تمام نجی کلینکس بھی آج سے کھولنے کا اعلان کر دیا گیا۔

اعلامیہ کے مطابق نجی کلینکس طے شدہ ایس او پیز کے تحت کھول دیے گئے ہیں۔

واضح رہے کہ گزشتہ روز وزیر اعظم عمران خان نے ملک بھر میں مرحلہ وار لاک ڈاؤن میں نرمی کا اعلان کر دیا ہے۔

ٹائیگر فورس سے خطاب کرتے ہوئے وزیراعظم کا کہنا تھا کہ یہ وقت کی ضرورت تھی اور ہم اس میں شامل نوجوانوں کاشکریہ اداکرتے ہیں۔