کراچی  میں گذشتہ روز ہونے والے طیارہ حادثے میں سینئر صحافی انصار نقوی بھی انتقال کر گئے  ہیں۔

تفصیلات کے مطابق پی آئی اے کا طیارہ گذشتہ روز ماڈل کالونی میں گر کر تبا ہوا تھا ۔ جس میں انصار نقوی بھی سوار تھے، وہ لاہور سے کراچی آرہے تھے۔

 انصار نقوی 2015 میں بول نیوز فیملی کا حصہ بھی رہے،انصار نقوی اس وقت چینل 24 کے  ڈائرئکٹر پروگرامنگ تھے۔

انصار نقوی کے بیٹے شاہ زیب انصار نے بتایا کہ ان کے بابا اب دنیا میں نہیں رہے۔ انہوں نے تمام احباب و دوستوں سے دعا کی اپیل کی ہے۔

ان کے بیٹے نے کہا کہ  ہمارے خاندان کے لیے بڑا سانحہ اور دکھ کا لمحہ ہے،یہ ہمارے لیے نا قابل تلافی نقصان ہے جس کا ازالہ ممکن نہیں۔

انصار نقوی نے سوگواران میں بیوی اور تین بچے چھوڑے ہیں۔

واضح رہے کہ طیارے میں سوار 99  میں سے 97  لوگ موقع پر ہی جاں بحق ہوگئے تھے۔صرف دو خوش نصیب اس خوفناک حادثے میں زندہ بچ پائے۔