وزیراعظم عمران خان کا کینڈین ہم منصب جسٹن ٹروڈو سے ٹیلی فونک رابطہ ہوا جس میں دونوں وزرائے اعظم نے باہمی دلچسپی کے امور پر تعاون جاری رکھنے پر اتفاق کیا۔

اس موقع پر دونوں وزرائے اعظم کی کوویڈ 19 کی صورتحال پر گفتگو کی جبکہ ایک دوسرے کے ممالک سے اپنے شہریوں کی واپسی سے متعلق تبادلہ خیال کیا اور باہمی دلچسپی کے امور بھی زیر غور کیا۔

وزیراعظم عمران خان نے مہلک وباء سے نمٹنے کے لیے مشترکہ کاوشوں پر زور دیا جبکہ کورونا کے باعث قیمتی جانوں کے ضیاع پر اظہار افسوس بھی کیا اور قرضوں میں ریلیف کیلئے جی 20 ممالک میں پاکستانی تجویز کی حمایت پرشکریہ ادا کیا۔

وزیراعظم نے کہا کہ پاکستان سمیت ترقی پزیر ممالک کو دوہرے چیلنج کا سامنا تھا اور ہمیں لوگوں کی جانیں اور معیشیت دونوں بچانا تھیں۔

عمران خان نے یہ بھی کہا کہ دیگرترقی پذیرممالک کی طرح پاکستان کو بھی وبا  کے  چیلنج کا سامنا ہے اور عالمی وبا سے نمٹنے کیلئے عالمی سطح پرتعاون کی ضرورت ہے۔

ملازمت سے محروم ہونے والے افراد کے لیے احساس کیش پروگرام کا آغاز

وزیر اعظم نے ٹیلیفونک گفتگو میں انڈیا اور مقبوضہ کشمیر میں مسلمانوں کی حالت زار کا تذکرہ کرتے ہوئے کہا کہ کورونا وائرس کے باوجود مقبوضہ کشمیر میں پابندیاں اور راستے بند ہیں۔

عمران خان نے کہا کہ پابندیوں اور بندشوں کیوجہ سے مقبوضہ کشمیریوں کو کورونا وباء سے نمٹنے میں شدید مشکالات ہیں ، موجودہ صورتحال میں کشمیریوں کووبائی مرض کےچیلنج پرقابو پانامشکل ہورہاہے۔

وزیراعظم عمران خان نے قرضوں میں ریلیف کےاقدامات پرپاکستان کی حمایت کرنےپر کینڈین ہم منصب سے اظہار تشکر کرتے ہوئے کہا کہ امید ہے کینیڈا قرضوں سے نجات کے عالمی اقدام کی حمایت کرے گا۔