وزیراعظم عمران خان کی زیر صدارت قومی رابطہ کمیٹی کا اجلاس آج ہوگا ۔

 ذرائع کا کہنا ہے کہ وزیراعظم عمران خان کی زیر صدارت ہونے والے قومی رابطہ کمیٹی کے اجلاس میں لاک ڈاون نرم کرنے بارے فیصلوں کی توثیق کی جائے گی۔

اجلاس میں چاورں وزرائے اعلیٰ، گلگت بلتستان کے وزیراعلیٰ شریک ہوں گے، اجلاس میں وزیراعظم آزاد کشمیر اور عسکری حکام شرکت کریں گے۔

ذرائع نے بتایا ہے کہ نیشنل کمانڈ اینڈ آپریشن سینٹر کی جانب سے آج ہونے والے قومی رابطہ کمیٹی کے اجلاس میں اپنی سفارشات پیش کی جائیگی۔

اجلاس میں لاک ڈاون نرم کے ساتھ ساتھ ملک بھر میں تجارتی مراکز 10 مئی سے کھولے جانے کا امکانہے اس پر بھی فیصلہ ممکن ہے۔

ذرائع نے یہ بھی بتایا کہ اجلاس میں اندرون ملک پروازیں کھولنے بارے بھی فیصلہ متوقع ہے جبکہ قومی رابطہ کمیٹی لاک ڈاون نرمی کے ساتھ ایس او پیز کی بھی منظوری دے گا۔

اجلاس کے دوران وزیراعظم عمران خان این سی سی کے فیصلوں پر بھی قوم کو اعتماد میں لیں گے۔

دوسری طرف ملک میں کورونا وائرس کے آج  مزید 1415 افراد میں مہلک وائرس کی تشخیص ہوئی جن میں سندھ سے 451 ، اسلام آباد میں 21، بلوچستان میں 168 ، پنجاب میں 560 اور گلگت بلتستان میں 2 ، خیبرپختونخوا میں 213 کورونا وائرس کے کیسز کی تصدیق ہوئی ہے۔

کورونا کے وار میں تیزی، ایک ہی دن میں 1242 افراد کورونا کا شکار

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 8640 ، بلوچستان میں 1663 ، خیبرپختونخوا میں 3712 ،اسلام آباد میں 485 ، گلگت بلتستان میں 388 ، پنجاب میں 8693 اور آزاد کشمیر میں 76 مریض موجود ہے۔

یاد رہے اس سے قبل  ترجمان محکمہ صحت سندھ کے جاری اعداد و شمار کے مطابق سندھ بھر میں 451 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 8640 ہوگئی ہے۔