شہرقائد میں آج ہیٹ ویو کا خدشہ ہے، پارہ 41 تک جانے کا امکان ہے۔

تفصیلات کے مطابق کراچی میں ایک اور ہیٹ ویو الرٹ، آج سے شدید گرمی کی لہر آنے والی ہے، سمندری ہوائیں بھی بند رہیں گی جبکہ شہرقائد میں سورج آگ برسائے گا۔

اس کے علاوہ ملک کے بیشتر علاقوں میں موسم گرم اور خشک رہے گا۔

 محکمہ موسمیات کا کہنا ہے17 سے 21 مئی تک ہیٹ ویو کا زور رہے گا، شہری احتیاط کریں اور گھروں سے غیر ضروری نہ نکلیں۔

ذرائع کے مطابق کراچی میں درجہ حرارت 39 سے41 ڈگری سینٹی گریڈ تک پہنچ سکتا ہے۔

واضح رہے کہ سندھ کے میدانی علاقوں میں بھی سورج کا پارہ ہائی رہے گا، نوابشاہ، دادو، مٹھی اور سکھر میں درجہ حرارت 42 سے 45 تک جانے کا امکان ہے۔