ورلڈ اکنامک فورم کا اہم ترین اجلاس آج طلب کر لیا گیاہے، وزیر اعظم عمران خان ویڈیو لنک کے ذریعے شریک ہوں گے۔

تفصیلات کے مطابق وزیراعظم عمران خان کو ویڈیو لنک کے ذریعے ورلڈ اکنامک فورم اجلاس میں شرکت کی دعوت دی گئی ہے۔

ذرائع کے مطابق ورلڈ اکنامک فورم کے اجلاس کی سرپرستی کسی بھی پاکستانی وزیراعظم کو پہلی مرتبہ سونپی گئی ہے ۔

وزیر اعظم عمران خان اسلام آباد سے ویڈیو لنک کے ذریعے ورلڈ اکنامک فورم کی صدارت اور موجودہ عالمی صورت حال پرخطاب کریں گے۔

اس کے علاوہ عالمی فورم کو کورونا وبا کے دوران پاکستان کے اقدامات سے آگاہ کریں گے۔

واضح رہے کہ دنیا بھر کے سربراہان مملکت اور عالمی رہنما اس اجلاس میں شرکت کریں گے۔