معاون خصوصی ڈاکٹر ظفر مرزا نے کہا ہے کہ حکومت نے 13 ایس او پیز جاری کیے ہیں جبکہ نمازِ تراویح کے حوالے سے بھی الگ سے ایس او پیز جاری کرچکے ہیں اور یہ تمام ایس او پیز ہماری ویب سائٹ پر رکھے ہیں۔

تفصیلات کے مطابق معاون خصوصی معید یوسف کے ہمراہ پریس کانفرنس کرتے ہوئے ڈاکٹر ظفر مرزا نے بتایا کہ اگر ایس او پیز پر عمل درآمد کیا جائے تو اسمارٹ لاک ڈاؤن کرسکتے ہیں۔

انہوں نے کہا کہ عوام سے التماس ہے کہ وہ وفاقی اور صوبائی حکومتوں کی طرف سے جاری کردہ ہدایات پر عمل درآمد کریں۔

معاونِ خصوصی ڈاکٹرظفر مرزا کا کہنا ہے کہ ملک میں اب 18114 کنفرم کیسز ہیں جبکہ چوبیس گھنٹوں میں 1287 کیسز سامنے آئے اور   32  افراد جاں بحق ہوئے

دوسری جانب معاونِ خصوصی معید یوسف کا کہنا ہے کہ دنیا کے 88 ممالک سےایک لاکھ مزید اوورسیز پاکستانی واپس آنا چاہتے ہیں۔

انہون نے بتایا کہ وطن واپس آنے والے مسافروں کو قرنطینہ میں رکھا جائے گا جبکہ سب کا ٹیسٹ کیا جائے گا اور رزلٹ آنے پر انہیں گھر جانے کی اجازات ہوگی۔