مریم اورنگزیب نے کہا کہ عمران خان صاحب اور ان کے ترجمانوں کاجھوٹ سُن سُن کر عوام کا صبر اب جواب دے چکا ہے۔

تفصیلات کے مطابق ترجمان مسلم لیگ ن مریم اورنگزیب کا کہنا ہے کہ عمران خان صاحب کی کرپشن، آٹا چینی چوری سے عوام کے صبر کا پیمانہ لبریز ہوچکا ہے، 18 ماہ میں معیشت کی بربادی نے کاروباری اور تاجر برادری کا صبر ختم کردیا ہے۔

ترجمان مسلم لیگ ن  نے وفاقی وزیر برائے اطلاعات سینیٹر شبلی فراز کے حالیہ بیان پر ردعمل دیتے ہوئے کہا کہ شبلی صاحب شہباز شریف کے بجائے عوام کے صبر کے امتحان کی فکر کریں۔

انھوں نے کہا کہ روٹی، روزگار اور کاروبار کی بندش سے پاکستان کے عوام کے صبر کی حد گُزر چکی ہے،دو سال تمام کوششوں کے باوجود شہباز شریف کے خلاف ایک دھیلے کی کرپشن نہ ملی۔

واضح رہے کہ وفاقی وزیر برائے اطلاعات سینیٹر شبلی فراز نے  ٹوئٹر پر جاری کیے گئے اپنے ایک بیان میں مسلم لیگ ن کے صدر شہباز شریف کو صبر کا مشورہ دیتے ہوئے کہاتھا کہ شہباز شریف اپنے سیاسی نصیب پر صبر کریں اور احتساب سے بچنے کے لیے انتخابات کا شوشہ چھوڑا جارہا ہے۔

شہباز شریف صاحب اپنے سیاسی نصیب پر صبر کریں۔احتساب سے بچنے کے لیے انتخابات کا شوشہ چھوڑا جارہا ہے ۔برس ہا برس اقتدار میں رہنے والے ہمارے اپوزیشن رہنما کا حزب اختلاف میں دل نہیں لگ رہا۔ pic.twitter.com/wD4FcM4eot

— Senator Shibli Faraz (@shiblifaraz) May 19, 2020