سیالکوٹ کی تحصیل ڈسکہ میں اسمارٹ لاک ڈاؤن کے تحت مزید 9 علاقے سیل کردیئے گئے ہیں۔

 اسسٹنٹ کمشنر کے مطابق نیشنل کمانڈ اینڈ کنٹرول کے اعداد و شمار کے مطابق تحصیل ڈسکہ کے مزید نو علاقوں کو سیل کردیا گیا ہے،اس وقت ضلع بھر میں 22 علاقے سیل کیے جا چکے ہیں۔

تفصیلات کے مطابق سیل شدہ علاقوں میں مین بازار ڈسکہ، سمبڑیال ڈسکہ روڈ، معراج چوک، کچہری روڈ، صرافہ بازار، موبائل مارکیٹ، مچھلی بازار، ٹھٹھیاراں بازار، صوبیدار چوک اور میلاد چوک شامل ہیں۔

واضح رہے کہ اس وقت ضلع بھر میں 22 علاقوں کو کھار دار تارِیں اور کناتیں لگا سیل کیا جاچکا ہے جبکہ سیل شدہ علاقوں میں پولیس کی نفری بھی تعینات کر دی گئی ہے۔