وزیر اعظم عمران خان نے وفاقی کابینہ کو پیٹرول کے حالیہ  بحران پر عوام کو حقائق سے آگاہ کرنے کی ہدایت کردی۔

تفصیلات کے مطابق حالیہ  دنوں ملک میں پیٹرول کی قلت پر وزیراعظم  عمران خان کی زیر صدارت  وفاقی کابینہ کا اجلاس  ہوا۔

ندیم بابر اور وفاقی وزیر توانائی  نے وزیراعظم کوپیٹرول بحران پر پیشرفت رپورٹ  پیش کی اور بریفنگ دی۔

وزیراعظم کو بریفنگ میں بتایا گیا کہ چھاپہ مار ٹیموں نے کئی چھاپے مارے ہیں ،کئی کمپنیوں نے پیٹرول ذخیرہ کیا ہوا تھا۔ملک کے بیشتر حصوں میں اب پیٹرول دستیاب ہے۔

وزیراعظم کو جرمانوں سے متعلق بھی رپورٹ پیش کی گئی۔

وزیر اعظم عمران خان نے کہا  کہ پیٹرول کی مصنوعی قلت کسی صورت قبول نہیں ، عوام کو حقائق سے آگاہ کیا جائے اور فوری ریلیف فراہم کیا جائے ۔