پاکستان پیپلزپارٹی کے چیئرمین بلاول بھٹو زرداری نے کہا ہے کہ تمام پاکستانی سندھ پولیس کے مشکور ہیں۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر اپنے ایک پیغام میں کہا کہ کراچی اسٹاک ایکس چینج پر بزدلانہ حملے کو سندھ پولیس نے بہادری سے بروقت کارروائی کرکے ناکام بنادیا۔

اپنے پیغام میں پاکستان پیپلزپارٹی کے چیئرمین بلاول بھٹو زرداری نے مزید کہا کہ سندھ پولیس نے نہ صرف انسانی زندگیوں کو محفوظ کیا بلکہ کامیابی سے پاکستانی معیشت کے مرکز کا بھی دفاع کیا۔

The cowardly attack on #KarachiStockExcahnge was thwarted by the brave & timely action by Sindh Police. All Pakistanis are grateful to Sindh police for not only saving so many live but successfully defending the nerve centre of Pakistan’s economy.

Advertisement

— BilawalBhuttoZardari (@BBhuttoZardari) June 29, 2020

دوسری جانب پاکستان پیپلزپارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر اپنے ایک اور  پیغام میں کہا کہ پی ٹی آئی ایم ایف بجٹ سلیکٹڈ حکومت نے منظور کرلیا لیکن لوگوں نے اسے مسترد کردیا ہے۔

پاکستان اسٹاک ایکسچینج پر دہشتگردوں کا حملہ ناکام ، 4 دہشتگرد ہلاک

پاکستان پیپلزپارٹی کے چیئرمین بلاول بھٹو زرداری نے مزید کہا کہ اس حکومت نے ہر پاکستانی کی صحت ، زندگی اور معاش کو خطرے میں ڈال دیا ہے، کسانوں کی فصلیں خطرے میں ہیں، لوڈ شیڈنگ اور تیل کی قیمتوں نےلوگوں کی کمر توڑدی ہے۔

Advertisement

Today’s speech. PTIMF Budget may have been passed by selected but it has been rejected by the people. This government has endangered every Pakistanis health, life & livelihood. Every farmers crop is in danger. Load shedding & oil price breaking back of our ppl. #ThisGovtMustGo https://www.bolnews.com/urdu/pakistan/2020/06/567203/amp/

— BilawalBhuttoZardari (@BBhuttoZardari) June 29, 2020

واضح رہے کہ پاکستان اسٹاک ایکسچینج پر دہشت گردوں کے نتیجے میں پولیس اہلکار سمیت  7 افراد جاں بحق ہوگئے جبکہ  فورسز کی جوابی کارروائی میں چاروں دہشتگرد مارے گئے۔

پولیس کے مطابق پیر کی صبح 10 بجے کے قریب 4 دہشتگردوں نے پہلے اسٹاک ایکسچینج کے گیٹ پر دستی بم حملہ کیا اور پھر اندھا دھند فائرنگ کردی۔

واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی اور آپریشن شروع کردیا تھا۔