متحدہ عرب امارات میں پھنسے پاکستانیوں سے زائد کرائے وصولی کے معاملے پر وزیرِاعظم عمران خان کی جانب سے معاملے کا نوٹس لے لیا گیا ہے۔

وزیرِاعظم کی ہدایت پر وفاقی وزیرِ ہوابازی غلام سرور نے پی آئی اے کو کرائے کنٹرول کرنے کی ہدایات جاری کردیں ہیں۔

پی آئی اے ترجمان کے مطابق رش کے باعث دیگر نمائدوں کو بھی ٹکٹس بک کرنے کی اجازت دی تھی، تاہم بعض جگہ دو ہزار درہم سے بھی زائد کرایہ وصول کیے جانے کی شکایات موصول ہوئی تھیں۔

انہوں نے بتایا کہ متحدہ عرب امارات سے پاکستان کے کسی بھی شہر کا یک طرفہ کرایہ 1120 درہم ہے،اگر کوئی زائد کرایہ وصول کررہا  ہے تو فوری طور پر اطلاع دیں۔