ملک بھر میں ٹائیگر فورس ڈے منانے کی تیاریاں شروع ہو گئی۔

تفصیلات کے مطابق وزیراعظم عمران خان نے ٹائیگر فورس ڈے کے سلسلے میں مشاورت کیلئے معاون خصوصی عثمان ڈار کو بلا لیا۔

ملک میں ایک کروڑ پودے لگانے کیلئے رضا کاروں کے تعاون پر مشاورت ہو گی ، وزیراعظم آج نوجوانوں کیلئے اہم پیغام بھی ریکارڈ کروائیں گے۔

ٹائیگر فورس ایپلیکیشن میں گرین سیلفی کا فیچر متعارف کروایا دیا گیا ،  جس کے ذریعے پودا لگانے والا رضا کار شجر کاری مہم کی تصاویر اپلوڈ کر سکے گا۔

ذرائع کے مطابق رضا کار نوجوان 1 دن میں ریکارڈ 1 ملین درخت لگائیں گے۔

واضح رہے کہ ٹائیگر فورس ڈے پر بڑے پیمانے پر شجر کاری کے لیے تقریبات کا انعقاد ہوگا۔

عثمان ڈار کا کہنا تھا کہ شجرکاری مہم کے لیے رضا کاروں کی تعداد بڑھانے کے لیے موبائل فون ایپ سے رجسٹریشن چند روز میں کھول دی جائے گی۔