وزیر اعظم عمران خان کی زیر صدارت پارلیمانی پارٹی کے اجلاس کی اندرونی کہانی سامنے آ گئی ہے۔

تفصیلات کے مطابق وزیر اعظم نے ارکان کو اپوزیشن کو ٹف ٹائم دینے کی ہدایت کردی۔

ذرائع کے مطابق وزیراعظم کا کہنا ہے کہ اپوزیشن کی کسی بلیک میلنگ میں نہیں آئیں گے، اپوزیشن بلز کی منظوری میں ساتھ نہ بھی دیتی تو مشترکہ اجلاس میں منظور کروا لیتے۔

انھوں نے کہا کہ اپوزیشن این آر او مانگتی ہے جو کسی صورت نہیں دینگے ، پی ٹی آئی اپنے منشور سے کسی صورت پیچھے نہیں ہٹے گی، ہم اپنے منشور سے پیچھے ہٹے تو تباہی ہوگی۔

وزیر اعظم نے ارکان اسمبلی کو ایوان میں بھرپور فعال ہونے کی ہدایت کردی۔

وزیراعظم نے مزیدکہا کہ کراچی کے ایم این ایز کی طرح دیگر ارکان بھی فعال ہوں ،تاہم اجلاس میں خواجہ آصف پر تنقید بھی ہو ئی۔