ترجمان سندھ حکومت مرتضی وہاب نے کہا ہے کہ کورونا کے دوران خلاف ورزی کرنے والے گندم زخیرہ کرنے والوں کے خلاف وبائی ایکٹ کے تحت 10لاکھ روپے کا جرمانہ بھی ہوگا۔

تفصیلات کے مطابق ترجمان سندھ حکومت مرتضی وہاب نے وزیر اطلاعات سید ناصر حسین شاہ کے ہمراہ کراچی میں پریس کانفرنس کرتے ہوئے کہا کہ وفاقی حکومت مصنوعی طور 14 لاکھ ٹن کی قلت دکھانا شروع کردی ہے۔

اپنے بیان میں ترجمان سندھ حکومت نے کہا کہ و فاقی حکومت صوبوں پر ستمبر سے پہلے گندم ریلیز کرنے کیلیے پریشر کر رہی ہے۔

مرتضی وہاب نے یہ کہا کہ منافع خور گندم اور آٹے کا مصنوعی بحران پیدا کرنا چاہتے ہیں، ستمبر کے بجائے اس وقت سرکاری گندم ریلیز کرنا بہت خطرناک ہوگا۔

ترجمان سندھ حکومت مرتضی وہاب نے مزید کہا کہ وزیراعلی سندھ نے ذخیرہ اندوزوں کے خلاف مکمل کریک ڈائون کے لیے پولیس اور ضلعی انتظامیہ کو احکامات دے دیے ہیں۔

آٹے کی قیمتیوں میں بتدریج اضافہ

اس موقع پر وزیراطلاعات ناصر حسین شاہ نے کہا کہ وزیراعلی سندھ کی صدارت اس متعلق اجلاس ہوا ہے، اجلاس میں آٹے اور گندم کی ذخیرہ اندوزی کے خلاف کریک ڈائون کا فیصلہ ہوا ہے۔

ناصر حسین شاہ کا کہنا تھا کہ سندھ حکومت نے وفاق سے گندم کی اسمگلنگ روکنے کے لیے اقدامات کرنے کا مطالبہ کرتے ہوئے کہا ہے کہ گندم بلوچستان یا خیبرپختونخوا سے اسمگل ہو رہی ہے وفاقی حکومت سے درخواست کرتا ہوں اسمگلنگ کو روکیں۔

وزیراطلاعات ناصر حسین شاہ نے دعویٰ کیا کہ یہاں پر آٹا دیگر صوبوں سے سستا مل رہا ہے لیکن خیرہ اندوزی کی وجہ سے کراچی کے لوگوں کو آٹا مہنگا مل رہا ہے، جہاں جہاں ذخیرہ اندوزی کی گئی ہے ان پر جرمانے عائد کیے گئے ہیں جن لوگوں نےذخیرہ اندوزی کی ہےان کو وارننگ دے رہا ہوں۔