وزیر اطلاعات شبلی فراز نے حکومت کی دوسالہ کارکردگی کو شاندارقرار دیتے ہوئے اپنی نیوز بریفنگ میں کہا کہ آج کا دن پاکستان کی جمہوری تاریخ کا یادگار دن ہے۔

وفاقی وزیر کا کہنا تھا کہ پچیس جولائی  دو ہزار اٹھارہ کو ایک فرسودہ، مراعات یافتہ، اقرباپرور اور کرپٹ نظام کو شکست  ہوئی تھی۔

انہوں نے بتایاکہ جب حکومت ملی تو قرضوں میں پھنسا اور مشکلات کا شکار پاکستان ملا تھا لیکن اب کامیاب جوان پروگرام، یکساں نصاب تعلیم، بلین ٹری سونامی وزیراعظم کی زیر قیادت ترقی کے سفر کا آغاز ہیں۔

انہوں نے واضح کیا کہ ملکی ترقی اور خوشحالی کیلئے عمران خان کی قیادت میں جدوجہد  جاری رہے گی۔