سندھ پولیس کے مزید 215 اہلکار کورونا وائرس کا شکار ہوگئے۔

ترجمان سندھ پولیس کے مطابق  1885کےقریب افسران اورجوان کورونا وائرس سے متاثر ہوئے ہیں جن میں سے 215 کیسز گذشتہ تین روز کے دوران سامنے آئے ہیں ۔

ترجمان سندھ پولیس نے مزید  بتایا کہ کورونا کے خلاف فرائض کی ادائیگی کے دوران 16پولیس افسران اور جوان شہید ہوچکے ہیں۔

شہدائے پولیس میں14 کا تعلق کراچی جبکہ02 کا حیدرآباد رینج سے تعلق تھا۔

زیرعلاج افسران اور جوانوں کی تعداد1423ہے جبکہ 446افسران اورجوان صحتیاب ہوکر گھر جاچکے ہیں۔

ترجمان سندھ پولیس کا کہنا ہے کہ کورونا سے متاثرہ اہلکاروں کا مکمل طور پر خیال رکھا جارہا ہے اور اس سلسلے  میں روزانہ کی بنیاد پراقدامات جاری ہیں۔

ترجمان سندھ پولیس  نے کہا کہ کورونا کے خلاف ہراول دستے کے طور پر کام کرنے والے افسران اور جوان خدمت انسانیت کے لیے انتہائی پرعزم اوربلندحوصلہ ہیں۔