وزیراعظم عمران خان نے ٹائیگر فورس کی رجسٹریشن ایک بار پھر کھولنے کا عندیہ دیا ہے۔

وزیراعظم عمران خان سے معاون خصوصی برائے امور نوجوانان عثمان ڈار نے ملاقات کی ہے، ملاقات کے دوران ملک بھر میں ٹائیگر فورس ڈے منانے کی تیاریوں پر مشاورت کی گئی۔

وزیراعظم عمران خان نے نوجوان رضا کاروں کو خود اعتماد میں لینے کا فیصلہ کیا ہے۔

ملاقات کے دوران ٹائیگر فورس سے متعلق چین کی جانب سے لکھا گیا خط بھی وزیراعظم کو پیش کیا گیا، ، عمران خان نے عالمی سطح پر ٹائیگر فورس کی پذیرائی پر مسرت کا اظہار کیا۔

وزیراعظم عمران خان نے ٹائیگر فورس کو متحرک رکھنے پر عثمان ڈار کو شاباش دی اور ٹائیگر فورس کی رجسٹریشن ایک بار پھر کھولنے کا عندیہ دیا۔

صوبے میں گندم اور چینی کی فراہمی یقینی بنائی جائے، وزیراعظم

دوسری جانب وزیراعظم عمران خان نے ٹائیگر فورس کے نام اہم پیغام دیتے ہوئے کہا تھا کہ ارکان اسمبلی اور وزرائے اعلیٰ بھی مہم میں حصہ لیں گے، 2023 تک 10 ارب درخت لگانے ہیں۔

وزیراعظم عمران خان نے مزید کہا کہ آلودگی کی وجہ سے لوگوں کی صحت پر اثر پڑ رہا ہے، گلوبل وارمنگ کے باعث پاکستان 10 متاثرہ ممالک میں شامل ہے، 9 اگست کو ملک بھر میں شجرکاری کریں گے، پاکستان میں آلودگی، گلوبل وارمنگ کے باعث درخت لگانا ضروری ہیں، ٹائیگر فورس شجرکاری مہم کی قیادت کرے گی۔