شہباز گِل کا کہنا ہے کہ کراچی ڈوب گیا مراد علی شاہ  کہاں ہیں ان کا اس صورتحال پرایک بیان تک نہیں آیا۔

تفصیلات کے مطابق وزیرِ اعظم کے معاونِ خصوصی شہباز گِل نے سماجی رابطے کی ویب سائٹ ٹوئٹر پرجاری اپنے ایک بیان میں کہا ہے کہ کورونا وائرس پر سیاست کرنے میں سب سے آگے، مراد علی شاہ کہاں ہیں؟ اگرعمران خان اور وفاقی حکومت پر جھوٹی تنقید کرنی ہو تو سب سے پہلے وہ بات کریں گے۔

کرونا پر سیاست کرنے میں سب سے اگے، مراد علی شاہ کہاں ہیں؟
کراچی ڈوب گیا انکی ایک سٹیٹمنٹ تک نہیں آئی،
لیکن اگرعمران خان اور وفاقی حکومت پر جھوٹی تنقید کرنی ہو تو سب سے پہلے وہ بات کریں گے
چند دن پہلے تک کرونا پر میڈیا ڈارلنگ مراد علی شاہ اور انکی ٹیم آج جعلی ہیڈ لائن چلا رہی ہے

— Dr. Shahbaz GiLL (@SHABAZGIL) July 28, 2020

انھوں نے کہا کہ شاید کورونا پر عوام سے جو جھوٹ بولا اس کی وجہ سے یہ آج منہ چھپا رہے ہیں۔

اس میں کوئی شک نہیں کہ بلاول بھٹو زرداری اور مراد علی شاہ جان بوجھ کر ملک کی معیشت تباہ کرنا چاہ رہے تھے۔

شہباز گِل نے مزید کہا کہ اللہ تعالیٰ نے ایک بار پھر عمران خان کو ہمت دی اور وہ غریب کے حق کے لیے ڈٹ گئے، آج پوری دنیا عمران خان کی تعریف کر رہی ہے۔