رانا ثناء اللہ کا کہنا ہے کہ حکومت انتقام کی آگ میں جل رہی ہے۔

تفصیلات کے مطابق لاہور ہائیکورٹ کے احاطے میں میڈیا سے گفتگو کرتے ہوئے مسلم لیگ ن پنجاب کے صدر رانا ثناء اللہ نے کہا کہ حکومت کے پاس کوئی پالیسی نہیں ہے، نیب کو انتقامی کارروائیوں کیلئے استعمال کیا جا رہا ہے، حکومت ہمارے ساتھ نیب قانون میں تبدیلی پراتفاق کرتی ہے بعد میں مکر جاتی ہے۔

رہنما ن لیگ نے کہا کہ دو سال میں عوام کی زندگی اجیرن ہو چکی ہے، اب حکومت فنانشل ٹیررکا قانون لا رہی ہے، اب جو شخص باہر پیسے بھیجے وہ دہشت گرد بنا دیا جائے گا۔

انہوں نے کہا کہ نیب کو بند اور چیئرمین نیب کو مستعفیٰ ہونا چاہیے،یہ انتقام اب مزید زیادہ دیر نہیں چل سکتا،سپریم کورٹ کے فیصلے سے ثابت ہوچکا نیب سیاسی انجینئرنگ کا ادارہ ہے۔

رانا ثناء اللہ نے کہا کہ کوئی شخص پاکستان میں سرمایہ کاری کو تیار نہیں ہے،یہ ملکی معیشت کو پہلے ہی ڈبو چکے ہیں،حکومت نے ملک کو ایسی دلدل میں دھکیلا ہے جہاں سے واپسی شاید ممکن نہ ہو۔

ان کا مزید کہنا ہے کہ ن لیگ کی کوشش ہے اپوزیشن اے پی سی کے پلیٹ فارم پر اکٹھی ہو، اپوزیشن کو مستقبل کا لائحہ عمل طے کرنا ہوگا۔

رانا ثناء نے کہا کہحکمرانوں کو انتقام اور نفرت کی پالیسی کوختم کرنا ہوگا،کورونا کی وجہ سے ان کو 6 ماہ کا وقت مل گیا ہے۔