احتساب عدالت نے ٹھٹھہ واٹر سپلائی ریفرنس میں آصف علی زرداری پر ویڈیو لنک کے ذریعے فرد جرم عائد کرنے کا فیصلہ کرلیا۔

تفصیلات کے مطابق احتساب عدالت کے جج اعظم خان نے ٹھٹھہ واٹر سپلائی ریفرنس پر حکم نامہ جاری کیا۔

ذرائع کے مطابق جعلی اکاؤنٹس کیسز کے ٹھٹھہ واٹر سپلائی ریفرنس میں سابق صدر آصف علی زرداری نے ایک بار پھر عدالت پیشی سے معذرت کرلی۔

آصف علی زرداری نے موقف اپنایا کہ کورونا اور بیماریوں کی وجہ سے عدالت پیش نہیں ہوسکتا۔

احتساب عدالت نے سابق صدر کے شریک ملزم اشفاق لغاری کو اشتہاری قرار دیتے ہوئے مقدمہ سے الگ کر دیا۔

عدالت نے آصف علی زرداری سمیت 14 ملزمان کو 4 اگست کو طلب کرلیا۔

 عدالت نے ویڈیو لنک کے ذریعے ملزمان پرفردجرم عائد کرنےکا فیصلہ کرتے ہوئے ہدایت جاری کی ہیں کہ قومی احتساب بیور(نیب) ویڈیو لنک کا انتظام کرے۔