گو رنر پنجاب کا کہنا ہے کہ سیاسی مخالفین صبر کے ساتھ 2023 کا انتظار کریں۔

تفصیلات کے مطابق گورنر پنجاب چو ہدری سرور نے کہا ہے کہ احتساب سے توجہ ہٹانے کی کوشش کرنے والے ناکام ہوں گے، احتجاج کی دھمکیوں سے کوئی خطرہ نہیں، الیکشن تو اپنے وقت پر ہی ہونا ہیں، سیاسی مخالفین صبر کے ساتھ 2023 کا انتظار کریں۔

گورنر پنجاب سے پارٹی اور بزنس کیمونٹی سمیت دیگر وفود نے ملاقاتیں کیں۔

اس موقع پر ان کا کہنا تھا کہ وزیراعظم عمران خان اپنی ذات نہیں ملک و قوم کو مضبوط اور خوشحال بنانے کیلئے کام کر رہے ہیں، ملکی ترقی اور خوشحالی یقینی بنانے کیلئے حکومت مشکل فیصلے کر رہی ہے۔

انھوں نے مزید کہا کہ ہم اداروں میں اصلاحات لا رہے ہیں، میرٹ پر کام کر رہے ہیں، ماضی کی من پسند تعیناتیوں کی وجہ سے ادارے تباہ ہوئے۔