پاکستان پیپلزپارٹی کے چیئرمین بلاول بھٹو زرداری نے مطالبہ کیا ہے کہ پی ٹی آئی اپنی کرپشن کا جواب دے۔

تفصییلات کے مطابق پاکستان پیپلزپارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر اپنے ایک پیغام میں کہا کہ میری پریس کانفرنس کو آج چوتھا روز ہوگیا، پی ٹی آئی نے کوئی جواب نہیں دیا۔

Day 4 PTI still 🤐. Malam Jaba corruPTIon ka jawab do. BRT corruPTIon ka jawab do. Salie machine NYC towers corruPTIon ka jawab do. Foreign Funding corruPTIon ka jawab do. Abraj/Kelectric corruPTIon ka jawab do. Atta, cheeni , petrol, PIA, ‘billion’ trees corruPTIon ka jawab do. https://www.bolnews.com/urdu/pakistan/2020/07/359311/amp/ pic.twitter.com/0yK1LPo4wg

— BilawalBhuttoZardari (@BBhuttoZardari) July 16, 2020

اپنے پیغام میں بلاول بھٹو زرداری نے کہا حکومت مالم جبہ کرپشن ، بی آر ٹی کرپشن جبکہ سلائی مشین سے نیویارک میں بننے والے ٹاورز کی کرپشن کا جواب دے۔

پاکستان پیپلزپارٹی کے چیئرمین بلاول بھٹو زرداری نے مزید کہا کہ کرپشن کے حوالے سے میرے پریس کانفرنس میں اٹھائے گئے سوالات پی ٹی آئی  حکومت جواب دے ، فارن فنڈنگ میں ہونے والی کرپشن ، ابراج گروپ اور کے الیکٹرک کی کرپشن جبکہ آٹا، چینی، پیٹرول، پی آئی اے اور بلین ٹری منصوبے میں ہونے والی کرپشن کا بھی جواب دے۔

بلاول بھٹو کا حکومت کے خلاف تحریک چلانے کا اعلان

واضح رہے کہ گزشتہ روز بلاول بھٹو زرداری نے اپنے ٹوئٹر پیغام میں بتایا تھا کہ آج تیسرا دن ہوگیا، پی ٹی آئی نے اپنی کرپشن کے حوالے سے میری پریس کانفرنس میں اٹھائے گئے سوالات کا جواب نہیں دیا گیا ہے۔

 بلاول بھٹو زرداری نے کہا تھا کہ عمران خان کی بہن کی کرپشن کا معاملہ اٹھایا مگر کوئی جواب نہیں ملا اور پی ٹی آئی کی کرپشن کے حوالے سے میں نے سوال اٹھائے مگر نیب اور عدالتیں چپ ہیں، پی ٹی آئی بھی خاموش ہے۔

چیئرمین پیپلزپارٹی بلاول بھٹو زرداری نے مزید کہا تھا کہ عمران خان اور اس کے وزیروں کے فرنٹ مین خیبرپختونخوا کے بی آر ٹی منصوبے میں ہونے والی کرپشن میں ملوث ہیں دوسری جانب عمران خان اور اس کے فرنٹ مین کے الیکٹرک کی کرپشن کو تحفظ فراہم کررہے ہیں۔