حکومت کا نیا پروگرام ایک بشر دو شجر، راجن پور میں مون سون کے موسم میں شجر کاری مہم کا آغاز کر دیا گیا ہے۔

وزیر اعظم عمران خان کا گرین پاکستان کے حوالے سے نئے پروگرام کا آغاز کر دیا گیا، راجن پور میں بھی مون سون کے آغاز کے ساتھ ہی نئے پودے لگائے جا رہے ہیں۔

کوٹ مٹھن راجن پور، جام پور اور روجھان میں 7700 سے زائد انجیر، فالسہ، جامن، بیری، امرود کے پودے لگائے گئے ہیں۔

افتتاحی تقریب میں سیاسی نمائندوں افسران اور اسکول کے بچوں نے شرکت کی اور ایک ساتھ پودے لگائے ۔

یاد رہے کہ گزشتہ روز وزیراعظم عمران خان کے بلین ٹری سونامی منصوبے کو عالمی سطح پر پذیرائی کی صورت میں امریکا، فرانس، پیرس کی عالمی ماحولیاتی تنظیموں کے نمائندوں نے وزیر اعظم کو تعریفی خط ارسال کیا تھا۔

امریکا، فرانس، پیرس کی عالمی ماحولیاتی تنظیموں نے کورونا کے دوران وزیراعظم عمران خان کے بلین ٹری سونامی منصوبے کو روشن مثال قرار دیا تھا ۔

عالمی تنظیموں نے اپنے خط میں کہا کہ ماحولیات سےمتعلق وزیراعظم عمران خان کی کوششیں دنیا کے لیے مثالی ہیں۔